Читать онлайн книгу "Bibla E Investimit Në Kriptomonedhë"

Bibla E Investimit Në Kriptomonedhë
Alan T. Norman


Kriptomonedha, Bitcoin, ICO, regjistri elektronik i transaksioneve, verifikimi...



Kur i dëgjonin këto fjalë vetëm disa vite më parë, njerëzit thoshin: është një mashtrim, flluskë financiare! Nuk ka kuptim të investosh, çmimi është shumë i ulët!

Asnjë vend nuk do ta njohë ndonjëherë kriptomonedhën! Është një skemë piramidale e dukshme! Është një lloj argëtimi për të fiksuarit pas teknologjisë! Deri kohët e fundit, kriptomonedha ishte parë si një lloj argëtimi për një pjesë njerëzish të zgjedhur, të cilët blenin dhe shisnin diçka dhe besonin se një monedhë e re do të zbulohej një ditë! Nuk është serioze, ajo do të bjerë në kolaps për disa vjet.

Kriptomonedha, Bitcoin, ICO, regjistri elektronik i transaksioneve, verifikimi...

Kur i dëgjonin këto fjalë vetëm disa vite më parë, njerëzit thoshin: është një mashtrim, flluskë financiare! Nuk ka kuptim të investosh, çmimi është shumë i ulët!



Asnjë vend nuk do ta njohë ndonjëherë kriptomonedhën! Është një skemë piramidale e dukshme! Është një lloj argëtimi për të fiksuarit pas teknologjisë! Deri kohët e fundit, kriptomonedha ishte parë si një lloj argëtimi për një pjesë njerëzish të zgjedhur, të cilët blenin dhe shisnin diçka dhe besonin se një monedhë e re do të zbulohej një ditë! Nuk është serioze, ajo do të bjerë në kolaps për disa vjet.



Me siguri që keni qenë edhe mes atyre njerëzve që nuk i morën seriozisht Bitcoin dhe kriptomonedhën, por ngjarjet aktuale bënë që edhe skeptikët më të mëdhenj të gabonin.

Çmimi aktual i Bitcoin është 40,644 $* Çmimi i kriptomonedhës më të njohur vazhdimisht thyen të gjitha rekordet e pamendueshme. Akumulimi i kapitalit është rreth 742 miliardë dollarë. Njohja botërore Ekonomitë më të mëdha në botë - India dhe Japonia - e njohën Bitcoin si monedhën zyrtare. Autoritetet amerikane e njohën kriptomonedhën si aset. Dhe ky është vetëm fillimi. Verifikimi në shkallë industriale Tregu i kriptomonedhës ndryshon jashtëzakonisht shpejt dhe është pothuajse e pamundur të monitoroni situatën dhe të merrni vendimet e duhura vetë. Shumica e njerëzve nuk kanë përvojë të duhur, kohë dhe para për këtë.



Libri im jep informacione elementare por mjaft të gjera për ata njerëz që nuk ndjekin një ylber, por duan të ndërtojnë një biznes fitimprurës për një kohë të gjatë në një nga zonat e kriptomonedhës: nga verifikim në investim.



Pra, ky libër nuk ka të bëjë me:

- Mënyrat e paligjshme të fitimit të parave

- Lavdërimi i kriptomonedhës dhe nxitja për të investuar në të deri në qindarkën e fundit

- Teknikat e mashtrimit dhe fitimi i ca parave shpejt e shpejt

- Teori e mërzitshme dhe e pakuptimtë

- Mënyrat për të fituar miliona pa investime dhe rreziqe



Ky libër do t'ju ndihmojë për të mësuar sa vijon:

- Cila mënyrë ju shkon më për shtat për të fituar para në tregun e kriptomonedhës.

- Ku duhet të filloni nëse keni vetëm 500 dollarë.

- Çfarë informacioni në lidhje me kriptomonedhën e mbajnë të fshehtë ekspertët (Shikoni vetëm anën pozitive të tij!).

- Si të përpunoni një strategji personale, të krijoni biznesin tuaj të kriptomonedhës dhe të fitoni 3.000-10.000 dollarë tuaj të parë që në vitin 2021.



Gjithashtu mund të garantoj që ju:

- Të merrni parasysh prirjen kryesore të monedhës së sotme, edhe nëse nuk keni asnjë ide për për ekonominë, financën dhe teknologjinë.

- Të kuptoni nëse vërtet dëshironi të investoni në kriptomonedhë (ndoshta, ky lloj biznesi nuk ju përshtatet aspak dhe do të kurseni kohën tuaj)

- Të mësoni se si të kontrolloni rreziqet dhe të mos investoni në monedhën e parë në dispozicion

- Të merrni në konsideratë përvojën time, të mbroheni nga dështimet e mundshme dhe derdhja e parave në lumë, që do të ndodhë në mënyrë të pashmangshme nëse ju erren sytë.



Kështu, qëllimi im është mjaft i thjeshtë:

- t'ju ndihmoj të krijoni dhe të zhvilloni biznes në një nga zonat e kriptomonedhës.

- Gjeni 7 strategji të investimit në kriptomonedhë + 2 strategji të përsosura sot!







Bibla E Investimit Në Kriptomonedhë

Udhëzuesi Përfundimtar Për Bllokzinxhirin, Verifikimin, Tregtimin, ICO, Platformën Ethereum, Bursat, Kriptomonedhat Kryesore Për Investim Dhe Strategjitë E Përsosura Për Të Bërë Para

Alen T. Norman

Përkthyesi: Aurel Manushi

Merrni librin tuaj falas Balenat Bitcoin

(Gjejeni në fund të një libri)

Të drejtat e autorit © 2017 nga Alan T. Norman.

Asnjë pjesë e këtij botimi nuk mund të riprodhohet, shpërndahet, ose transmetohet në ndonjë formë ose me ndonjë mjet, përfshirë fotokopjimin, regjistrimin, ose metoda të tjera elektronike ose mekanike, ose me ndonjë sistem të ruajtjes dhe rikuperimit të informacionit pa lejen paraprake me shkrim të botuesit, përveç në rastin e citateve shumë të shkurtra të mishëruara në rishikime kritike dhe përdorime të caktuara jotregtare të lejuara nga ligji i të drejtës së autorit.




Tabela E Përmbajtjes


Tabela E Përmbajtjes (#ulink_ee1e9e31-e787-5d64-987a-b91fc5e27540)

Pse Duhet Ta Lexoni Këtë Libër (#ulink_3cf82f05-70b5-55a4-be62-04220c2c18f2)

Kapitulli 1. Mitet Për Kriptomonedhën Dhe Rregullat Kryesore Të Tregut Të Kriptomonedhës (#ulink_bbbbd8ba-3645-5aea-98d6-0a09d339b00e)

Mitet e Kriptomonedhës (#ulink_02e4805b-c278-58eb-934b-16ebf9db5bf4)

Pse Duhet Të Hyni Tani në Botën E Biznesit Të Kriptomonedhës (#ulink_95c59f8e-dcbb-5133-b8fc-43c9733d5884)

Caktimi i qëllimeve dhe identifikimi i rregullave kryesore të tregut (#ulink_53267578-d3f2-568e-891a-51c845303ed0)

Kapitulli 2. Parimet themelore të kriptomonedhës dhe Batmani i kohëve tona (#ulink_e6c113fa-2e71-5edd-85b2-df1f2d35d21f)

Përparësitë e kriptomonedhës (#ulink_253aa279-c189-504d-b22e-8d2560ad2368)

Shpikësi i Bitcoin dhe pse ai është Batmani i kohërave tona (#ulink_559b8b9c-2895-562f-b10d-841834d896c0)

Kapitulli 3. Bitcoin dhe verifikimi (#ulink_73d5b838-6028-5a36-a1b9-94f34841fd78)

Si funksionon procesi verifikues (#ulink_035f7a16-d237-50ca-8453-4d9192dd0ea6)

Prova e Punës dhe pse është e rëndësishme (#ulink_8d7748ce-c162-5482-85a1-042502615497)

Kapitulli 4. Bllokzinxhiri (#ulink_68e69cbd-0cd0-5a43-a781-bb028b02c2fd)

Si funksionon Bllokzinxhiri? (#ulink_8ca99966-b0f6-5cfe-8aac-7afe32611c4b)

KAPITULLI 5. Portofolet ose si të ruajmë të sigurtë Bitcoin (#ulink_6da3aa1b-5f3d-5ddd-8fcb-50b2cc85892c)

Depoja e ftohtë dhe karta e debitit Bitcoin (#ulink_8676cde3-2ec2-5346-8d2a-3db666ff9def)

Kapitulli 6. Platforma Ethereum (#ulink_aeed252b-7e79-5909-af3a-960168507aba)

Krijimi dhe si funksionon

Kontratat inteligjente (#ulink_1ca9a944-b83a-522b-880d-43583da27c17)

Kapitulli 7. 10 Kriptomonedhat më të mira dhe ku t’i gjurmoni çmimet e tyre (#ulink_411780eb-1a84-500d-925c-3866723cdbd5)

Kriptomonedhat më të mira (#ulink_793556a7-d88b-5f09-a532-534ce0503310)

Kapitulli 8. Shkëmbimet kryesore të kriptomonedhave (#ulink_524343fa-f805-5cf6-8927-ef9b6831da99)

Si të regjistroheni në bursën e kriptomonedhave (#ulink_77c0318a-3671-5ab3-a25f-0dde1952a7c0)

Kapitulli 9. Bursat digjitale të monedhave (#ulink_951bfaa6-26e2-5f87-9067-2bdccc1b2b04)

Ku mund të gjeni bursa të sigurta dhe të besueshme të monedhës digjitale? (#ulink_cf1a207b-f555-5a1a-8179-a01f07ff7172)

Kapitulli 10. Si të fitojmë kriptomonedha (#ulink_73a8c74e-ad0e-5c90-b9e8-ad45b72decae)

Rishitja e kriptomonedhës (#ulink_dc334965-2686-5409-b063-2815c64c4a49)

Bërja e investimeve afatgjata: një vështrim më në thellësi (#ulink_c36568d5-198d-5163-b9a5-1620cdb48334)

Tregtimi: Një shikim më në thellësi (#ulink_bc2a01b9-c47d-58eb-bdff-ce1dee4e8447)

Verifikimi: Një shikim më në thellësi (#ulink_b919f575-6955-597f-a4be-50d23b33da2e)

ICO (#ulink_9656ac61-08c2-566b-94ca-057082954b17)

Kapitulli 11. ICO-të (#ulink_4fdf89b4-6e5b-55d1-a266-f96b1a350a52)

ICO-të kundrejt IPO-ve (#ulink_7190c5c3-a146-556e-99af-79d5f58f6f93)

Si të bëjmë dallimin mes ICO-ve premtuese dhe skemave piramidale (#ulink_1c31b877-acfe-5ff9-8454-3487ca35ba95)

Si të identifikoni ICO-të e mira (#ulink_54956b20-c09c-5631-9c36-3c0987699716)

Si të merrni pjesë në ICO (#ulink_0819e7dc-6470-539e-a267-cac852d80e24)

Kapitulli 12. Tregtimi (#ulink_ce4e6bf4-051f-5e9b-8b81-26ec71c77f9e)

Vendosja e porosive në bursë (#ulink_da7287c7-387a-5330-9438-030a5bd3ce2c)

Tregtimi me marzhe (#ulink_f8a79dc5-04cf-5277-9dec-a63b91c54714)

Tregtimi ditor dhe tregtimi me pozicione afatgjata (#ulink_43975c5e-56f9-51fc-aaea-c8921ad45e68)

Analizimi i Modeleve të Grafikut (#ulink_3e29865b-1dc2-5d72-8a0e-6ca34647890d)

Kapitulli 13. Strategjitë e investimeve (#ulink_2ac1ffe2-8abe-5a50-8aa8-0de7cf2706e4)

7 strategji të investimeve + 2 strategji të përkohshme (#ulink_f8d8fc6b-9df5-52f2-9986-b2a98b529d47)

Kapitulli 14. Menaxhimi i rrezikut dhe parave (#ulink_8a364fea-7d6f-5a74-a82a-ef1a554fe029)

Kapitulli 15. Mendësia e investitorit dhe këshilla të dobishme (#ulink_3518eeae-ccec-5df5-a1df-4bc43374c66d)

Përfundim (#ulink_7d29b363-6722-507b-b56c-4adcaa75a454)

Rreth autorit (#ulink_036763ac-ee0c-5ac3-a4d7-6ba756b1e395)

Libri falas Balenat e Bitcoin (#ulink_e7eeb4fc-1b54-511f-a839-1d6113b65caf)




Pse Duhet Ta Lexoni Këtë Libër


Shumica e njerëzve i presin idetë e reja me shumë frikë, skepticizëm, madje edhe me mohim. Sigurisht, është shumë më e sigurt të qëndroni në zonën e rehatisë dhe të vazhdoni të ecni në rrugën e rrahur. Sidoqoftë, në një moment të caktuar, ndoshta ia vlen të pyesni veten: sa larg do të më çojë kjo rrugë? Më shumë gjasa, kjo nuk do t’ju çojë më larg se dera tjetër e jetës suaj.

Lëvizja është përparim. Prandaj, nuk duhet të keni paragjykime dhe të mësoni gjëra të reja në mënyrë që të mos ngeleni prapa ndërsa bota vazhdon të ecë përpara. Kjo është e vërtetë për shumë fusha të jetës sonë dhe në financat personale, madje edhe më shumë.

Për njërën, paratë e letrës nuk janë më të përhapura. Me siguri do të pranoni që është më e përshtatshme të paguani për kostot dhe komoditetet tona me kartën e vogël plastike të lëshuar nga banka juaj. Kjo lloj shlyerjeje pa para në dorë është shumë më e mirë edhe për arsye sigurie.

Jo shumë kohë më parë, njerëzimi zbuloi një tjetër lloj paraje, krejtësisht të re – para digjitale ose kriptomonedhë. Ky është një brez i ri i monedhës, që krijohet përmes përdorimit të softuerit të kriptimit. Këto njësi të kriptomonedhës formohen dhe ruhen përmes kriptimit algoritmik.

Do të doja të përqendrohesha pak në llojet e problemeve që kriptomonedha mund të zgjidhë. Kjo është një çështje që do të shtroj gjatë këtij libri, por tani dua ta përqendroj vëmendjen tuaj në një koncept të quajtur besim. Ky është një problem i rëndësishëm që e zgjidh kriptomonedha. Më lejoni të shpjegoj duke përdorur një shembull nga jeta ime.

Vendosa që doja të krijoja një biznes dhe të fitoja para kur isha në shkollë. Bashkë me tre shokë të shkollës u nisëm për të shitur lule. Secili prej nesh shënoi informacionin për fitimet e veta në një fletore të vjetër, të cilën ia kalonim njëri-tjetrit. Kur kjo fletore përfundoi në duart e mia, dhe unë vërtet doja akullore😊, pyesja veten nëse mund të ndryshoja shifrat e shkruara për përfitimin tim. Por, e qortova veten dhe mendova: po sikur shoku im të bënte të njëjtën gjë? Kështu, është e qartë se mosbesimi mund të lindë edhe midis shokëve më të ngushtë. Kriptomonedha e zgjidh këtë problem pasi nuk na lejon të shtojmë ose ndryshojmë diçka sapo të jetë në sistem.

Sidoqoftë, shfaqja e kriptomonedhës, e cila zgjidh problemin e madh të besimit, nuk duhet të shoqërohet me shpërthimin e një komete, një dhuratë nga lart ose ndonjë lloj tjetër të fillimit të përrallës. Në fakt, krijimi i kriptomonedhës është shumë më i thjeshtë.

Së pari, u shfaqën teknologjitë përkatëse, të tilla si SHEMBULL, dhe pastaj kriptomonedha u ngrit në bazë të tyre, e ndjekur nga verifikimi (prodhimi i kriptomonedhës). Vetëm më pas, fishat, ICO-të dhe modelet e ndryshme të biznesit të kriptomonedhës u krijuan në bazë të gjithë këtij ekosistemi. Regjistri, i cili mbron nga manipulimi (d.m.th. depoja e bazës së të dhënave), u bë teknologjia e parë në ekonominë e kriptomonedhës. Ekziston një veçori e vogël (ose më saktë e madhe) e regjistrave të tillë: mund të fusni çdo të dhënë në këtë bazë të dhënash por nuk mund të falsifikoni asgjë ose të fusni informacion më të hershëm. Këto kontrata vetëzbatuese janë teknologjia e dytë e rëndësishme në botën e kriptomonedhës. Ato janë të mbërthyera fort në bazën e të dhënave.

Nuk do të futem thellë në detajet prapa gjithë kësaj teknologjie në këtë libër, meqenëse i shpjegova bazat në librin tim të mëparshëm, Duke zotëruar Bitcoin për Fillestarë. Në manualin e tanishëm, do t’ju tregoj se si funksionon kriptomonedha, dhjetë kriptomonedhat kryesore dhe cilat janë shkëmbimet e kriptomonedhës dhe ato të monedhave digjitale. Do të shpjegoj edhe zbatimin teknik të Bllokzinxhir, platformën Ethereum dhe shumë çështje të tjera të botës së kriptomonedhës. Pika më interesante është se do të përshkruaj shumë strategji të mençura të investimeve.

Që në fillim, dua t’ju paralajmëroj se tregu i kriptomonedhës është aktiv dhe në ndryshim. Funksionon 24 orë në ditë, shtatë ditë në javë. Prandaj, informacioni që ishte i përditësuar ditën kur kam shkruar librin, mund të mos jetë aq i freskët ditën kur e lexoni. Do të rekomandoj burime në këtë libër, të cilëve mund t’u referoheni në mënyrë që të ecni me kohën.

Gjëja e fundit që duhet përmendur këtu: Supozoj se ka skeptikë midis lexuesve të këtij libri. Pajtohem që, kur ndeshim ide krejt të reja, duhet ruajtur njëfarë skepticizmi, por duhet të jemi edhe të arsyeshëm. Prandaj, para se të bëj përfundime të nxituara në lidhje me kriptomonedhën, sugjeroj të lexoni me kujdes librin dhe pastaj të analizoni informacionin që ndaj këtu. Me sa u tha, mbajeni pezull vendimin tuaj për kriptomonedhën për momentin.

Nëse jeni gati të zhyteni në botën e kriptomonedhës, jepini!





Kapitulli 1. Mitet Për Kriptomonedhën Dhe Rregullat Kryesore Të Tregut Të Kriptomonedhës


Para se të vendosni qëllime në biznesin e kriptomonedhës, së pari le të kalojmë nëpër disa keqkuptime të zakonshme rreth kriptomonedhës.




Mitet e Kriptomonedhës


E pranoj sinqerisht se edhe unë pothuajse u infektova me skepticizëm ndaj kriptomonedhës në fillim të udhëtimit tim, pasi shumë njerëz më frikësuan, duke më thënë se kriptomonedha është një ndërrmarje e rrezikshme, piramidë financiare, ose diçka të ngjashme. Besime të tilla të rreme shpesh i largojnë shumë njerëz nga suksesi i mundshëm. Vetëm një numër i vogël pedantësh verifikojnë thënie të tilla në lidhje me kriptomonedhën, në vend që thjesht t’u besojnë verbërisht.

Jam i sigurt se keni dëgjuar edhe pretendime, se asnjë vend nuk do ta njohë kurrë kriptomonedhën, kështu që kriptomonedha nuk ka të ardhme. Për ta hedhur poshtë këtë, mjafton të kujtojmë rritjen e fundit të vlerës së kriptomonedhës. Disa vende e kanë njohur tashmë kriptomonedhën si mjet pagese. Kështu, ky i ashtuquajtur “argëtim për të apasionuarit pas teknologjisë” ka evoluar në një biznes shumë real për bankierët e investimeve dhe korporatat e ndryshme.

Prandaj, nëse ju, personalisht, ende nuk fitoni para në kriptomonedhë, ka shumë të ngjarë për shkak të numrit të madh të deklaratave të lartpërmendura, të cilat mund t’i keni dëgjuar nga pseudoekspertë.

Le të rendisim thëniet që ndalojnë shumë njerëz në gjysmë të rrugës:

1. Është shumë e rrezikshme. Po sikur të investoj para dhe kriptomonedha të ndalohet në të gjithë botën të nesërmen?

2. Nuk kam ndonjë arsim financiar kështu që nuk do të dija se çfarë të bëja;

3. Shoku/vëllai/fqinji im investoi para në kriptomonedhë dhe humbi gjithçka;

4. Tema e kriptomonedhës është shumë e re dhe e vështirë për t’u kuptuar ashtu siç është, prandaj më mirë të pres dy vjet, kur gjithçka të bëhet e qartë.

Të gjitha këto deklarata janë thjesht justifikime për mosveprimin tuaj. Ndërsa dilni me justifikime shtesë, njerëzit në të gjithë botën tashmë kanë ndërtuar një biznes në tregun e kriptomonedhës dhe po bëjnë fitim. Pyesni veten: çfarë më bën më keq se këta njerëz? Nëse e kuptoni që nuk jeni më keq se shoku/vëllai/fqinji juaj, i cili tashmë fiton para në tregun e kriptomonedhës, atëherë bëjini vetes pyetjen vijuese: pse duhet të hyj pikërisht tani në botën e biznesit të kriptomonedhës?




Pse Duhet Të Hyni Tani në Botën E Biznesit Të Kriptomonedhës


Kështu që do t’i përgjigjem kësaj pyetjeje pikë për pikë. Secili prej argumenteve do të fillojë me fjalët pikërisht tani në mënyrë që të kuptoni më mirë pse duhet ta bëni këtë pikërisht tani.

Së pari, pikërisht tani ka shumë pak konkurrencë në treg. A u çuditët? Është e vertetë. Po, interesi për këtë temë rritet vazhdimisht, por, në përgjithësi, konkurrenca është ende shumë e ulët. Ky treg është ende mjaft “i pashkelur” dhe i pazotëruar. Arsyeja për këtë është se shumica e njerëzve kanë prirjen të mos u besojnë prirjeve dhe ndërmarrjeve të reja, siç e kemi përmendur më lart.

Së dyti, pikërisht tani mund të korrni shpërblime të mëdha në këtë treg. Çmimet e kriptomonedhës janë në fazën e rritjes dhe zhvillimit, por edhe kështu ju mund të fitoni një shumë të mirë parash. Për sa kohë që i menaxhoni rreziqet tuaja me mençuri, mund të bëni fitime në kohë.

Së treti, pikërisht tani ka shumë qylxhinj të lirë në treg. Ata vijnë në tregun e kriptomonedhës për të bërë para të shpejtë, pa u thelluar në temë. Zakonisht, njerëz të tillë vijnë nga skemat piramidale, të drejtuara nga të ashtuquajturit “ekspertë”, të cilët u japin mësim njerëzve pa pasur ndonjë përvojë reale në vetë temën. Duhet të pranoj që tregu inkurajoi njerëz të tillë në fillim, kur ata patën një shans për të fituar shumë para atëherë. Sidoqoftë, në ditët e sotme, nëse doni të arrini diçka të tillë në tregun e kriptomonedhës, do t’ju duhet të bëni përpjekje të vërteta.

Së katërti, pikërisht tani ka rreziqe të ulëta në treg. Pesë vjet më parë, shumica e njerëzve prisnin ditën kur kriptomonedha do të ndalohej zyrtarisht. Këto ditë, shumë vende të botës e kanë njohur tashmë rëndësinë e kriptomonedhës. Kriptomonedha ka fituar një moment të tillë që askush nuk mund të shtypë thjesht butonin e ndalimit tani. A mendoni vërtet se ky fakt nuk dëshmon se mund të investoni paratë tuaja pa u frikësuar nga ndalimet dhe kufizimet e ndryshme?

Më në fund, para se të kalojmë te rregullat e lojës në tregun e kriptomonedhës, sugjeroj të shqyrtojmë të ardhmen e kriptomonedhës përmes shembullit të kompanisë Tesla. Aktualisht, kostoja e një Tesla vlerësohet në shumën që, sipas parashikimeve të ekspertëve, nuk do të jetë në gjendje të kthejë shpenzimet e saj në 300 vjet. Pse ekspertët e mençur e vlerësojnë kaq shumë Tesla atëherë? Le ta zbulojmë.

Këto ditë, një makinë elektrike është e bukur dhe me stil, por një automjet i shtrenjtë dhe jo shumë praktik. Sidoqoftë, ekspertët nuk janë të shqetësuar për sot. Ata përfytyrojnë një të ardhme që mund të bëhet realitet për 20 ose 30 vjet. Është e vështirë të imagjinojmë në vitet që vijnë makinat e zakonshme që shohim çdo ditë në rrugë tani. Mund ta imagjinoni makinën tuaj të vjetër të dashur në të ardhmen, por, personalisht, përfytyroj disa lloj automjetesh gjysmëfluturuese me panele diellore, ose diçka edhe më të sofistikuar. Prandaj, automjeti elektrik do të ketë një të ardhme të ndritur dhe të suksesshme, dhe Tesla ka të ngjarë të zërë një pozicion udhëheqës në treg.

Në përgjithësi, rezulton se askush nuk e di me siguri nëse Tesla do të mbajë pozicionin e saj në treg për 20-30 vitet e ardhshme. Sidoqoftë, shumë njerëz besojnë fuqimisht se po, dhe ky besim i bën ata të investojnë në kompani. Prandaj, nga ana personale, arrij të besoj lehtë se Tesla do të mbajë një monopol në të gjithë sektorin e prodhimit të automobilave në 20 vjet.

Si lidhet ky shembull me të ardhmen e kriptomonedhës? Në ditët e sotme, disa njerëz e shikojnë kriptomonedhën (si një automjet elektrik) si të pakuptimtë – një prirje në modë, interesante dhe që ngjall kureshtje nga ana teknike. Gjithsesi, veç një prirje. Sidoqoftë, kjo pikë e vogël tani ka të ngjarë të rritet në një det të madh dominues në të ardhmen.




Caktimi i qëllimeve dhe identifikimi i rregullave kryesore të tregut


Para se të hapin një terren të ri, profesionistët e vërtetë mësojnë rregullat e lojës dhe vendosin qëllime, duke përcaktuar se çfarë lloj rezultati dëshirojnë të arrijnë. Meqenëse jemi profesionistë, së pari do të merremi me këtë detyrë.

Pikat e mëposhtme duhet të jenë me siguri ndër synimet e tregtisë së kriptomonedhës që do t’i vendosni vetes:

• përcaktoni shumën specifike të parave ose përqindjen e të ardhurave tuaja, që do të investoni çdo muaj në fushën e kriptomonedhës;

• përcaktoni shkallën e gatishmërisë suaj për rreziqet;

• përcaktoni qëllimet tuaja specifike në periudhën afatshkurtër dhe afatgjatë.

Pasi të keni vendosur qëllimet, është e rëndësishme të kuptoni se çfarë nevojitet për një fillim të suksesshëm dhe të shpejtë në tregun e kriptomonedhës. Do të habiteni, por teoria është gjëja më pak e rëndësishme në këtë fushë. Shumë njerëz thonë se u mungon informacioni dhe njohuria për të bërë këtë lloj biznesi. Sidoqoftë, shumica e strategjive për të cilat do t’ju tregoj nuk kërkojnë njohuri të thella të botës së biznesit të kriptomonedhës. Do të jetë e mjaftueshme që ju të keni një kontroll mbi parimet themelore të ekonomisë së kriptomonedhës.

Atëherë cili është problemi? Ju duhet praktikë. Vetëm praktika, jo një libër (madje as imi), do t’ju ndihmojë të kuptoni se ku të blini, ku të shisni, si të ruani dhe si të transferoni kriptomonedhën.

Do t’ju duhet gjithashtu:

• Disa strategji të gatshme me rrezik të ulët për të hyrë në treg

• Aftësia për të filtruar përmbajtjen dhe informacionin rreth jush

• Komunikimi me tregtarët më me përvojë të tregut të kriptomonedhës dhe “spiunimi” i veprimeve të tyre

• Menaxhimi i rrezikut

• Një kontroll nga një mbikëqyrës me përvojë.

Dhe tani vazhdojmë me deklaratën që duhet të mbani mend një herë e përgjithmonë: bërja e çdo investimi në tregun e kriptomonedhës ËSHTË NJË RREZIK. Nëse nuk jeni gati ta pranoni këtë, mos e merrni mundimin të provoni. Çdo mendim ose parashikim për zhvillimin e një monedhe të caktuar, besueshmëria e ICO-s (kjo do të diskutohet më vonë) është vetëm një qëndrim i njëanshëm. Nuk ka asnjë njeri të vetëm në të gjithë globin që mund t’ju japë një garanci të pakthyeshme për zhvillime të mëtejshme. Nuk ka absolutisht asnjë vendim të drejtë dhe garanci 100%. Unë ose dikush tjetër mund t’ju jap vetëm një këshillë, jo garanci.

Ju jeni personi i vetëm që mbani përgjegjësi për çdo vendim. Si pasojë, nuk duhet të fajësoni një burim në internet, ku të lexoni në lidhje me perspektivën e ndonjë monedhe, ose një shok që ju rekomandoi një ICO të besueshëm, apo edhe mua për humbjet tuaja të mundshme financiare! Si autor i këtij libri, do të ndaj me ju mendimet e mia rreth kriptomonedhave të besueshme. Sidoqoftë, ky do të jetë sërish vetëm mendimi im subjektiv, vetëm në këtë moment. Prandaj, nëse jeni i prirur të fajësoni të tjerët për dështimet tuaja të mundshme, jo veten, më mirë ta mbyllni këtë libër menjëherë dhe të mos humbni kohë.

Tregu i kriptomonedhës është aktiv dhe ndryshon vazhdimisht. Prandaj, kur të merreni me tregtinë e kriptomonedhës, duhet të mësoni të merrni përgjegjësinë personale për marrjen e vendimeve dhe mos harroni asnjëherë se asnjë fitim nuk mund të bëhet pa marrë rreziqe. Po, ka strategji më pak të rrezikshme, por rreziqet ekzistojnë në çdo rast. Investoni vetëm shumën që jeni të gatshëm të humbni pa shumë keqardhje.

Dhe tani, vendosni librin mënjanë dhe shkruani dy rregullat që nuk duhet t’i shkelni kurrë:

1. Mos investoni deri në qindarkën e fundit.

2. Mbani para të gatshme për të përfituar nga mundësitë.

Dhe, së fundmi, fillestarët duhet të mësojnë disa pika sigurie:

• Kur të tregtoni në bursë, mbrojeni llogarinë tuaj me vërtetim me dy faktorë dhe mbajeni të fshehtë emrin tuaj të koduar.

• Fjalëkalimi juaj duhet të ketë të paktën 26 karaktere; një gjenerator i veçantë i fjalëkalimeve mund t’ju ndihmojë të gjeni një.

• Asnjëherë mos i mbani të gjitha paratë tuaja në një bursë ose në një portofol.

• Tregtoni vetëm në bursa reale dhe të provuara.

• Mos përdorni pika hyrëse publike për të tregtuar në tregun e kriptomonedhës.









Kapitulli 2. Parimet themelore të kriptomonedhës dhe Batmani i kohëve tona


Le të marrim një qasje rrethrrotulluese për këtë temë, duke filluar nga sektori bankar.

I gjithë sistemi bankar i ditëve tona, pavarësisht nga vendi, është rregulluar në mënyrë të tillë që ne të mos i zotërojmë paratë tona. Bankat qendrore në çdo shtet kanë monopolin e emetimit, i cili sigurohet përmes legjislacionit, duke krijuar një bllok pengimi të sigurt për legalizimin e kriptomonedhës.

Paratë e pashkëmbyeshme janë një term i përdorur nga komuniteti i kriptomonedhës për të përcaktuar një monedhë pa vlerë të vërtetë, si para me ligj ose rregullore qeveritare (dollar, euro, etj.).

Në teori, kjo monedhë duhet të sigurohet nga të paktën ato mallra, produkte ose shërbime që prodhohen në territorin e një vendi të caktuar (GDP) në mënyrë që çdo qytetar i këtij vendi të mund të këmbejë paratë e tij personale për produktet. Të gjitha bankat e vendit gjithashtu ndërmarrin të njëjtën monedhë dhe banka qendrore premton të ruajë stabilitetin dhe besueshmërinë e saj. Kështu funksionon në teori, por askush në të vërtetë nuk mund të garantojë stabilitetin e monedhës.

Qeveria e një vendi është konsumatori kryesor i të gjitha mallrave dhe shërbimeve për popullatën, d.m.th. një nga punëdhënësit më të mëdhenj. Gjithashtu është konsumatori më i madh për ndërtimin e rrugëve, shtëpive, spitaleve, shkollave, etj. Kjo përbën pjesën më të madhe të GDP-së së secilit vend të veçantë. Prandaj, qeveria siguron jetën e popullsisë – paguan pensionet dhe përfitimet sociale. Të gjitha këto fonde janë marrë nga banka qendrore, e cila mund të lëshojë valutë dhe të financojë qeverinë.

Një politikë e quajtur përmirësim sasior u zbatua dikur në SHBA dhe më vonë madje u përhap në Evropë dhe Japoni. Për shkak të këtij fenomeni, sasia e parave në botë është rritur shumë, ndërsa fuqia blerëse e dollarit ka rënë gjatë 100 viteve të fundit me 95%. Kjo tendencë është e vazhdueshme. Sa më shumë para ekzistojnë, aq më të lira bëhen.

Është e rëndësishme të kihet parasysh se çdo lloj monedhe pëson inflacion, i cili tregon zhvlerësimin e monedhës për disa kohë. Me fjalë të tjera, inflacioni është shpejtësia e qarkullimit të parave. Ekonomia e vendit ka ciklet e veta ndërsa njerëzit marrin hua dhe më pas i paguajnë ato.

Nuk mund të mos përmend këto hua. Në SHBA, normat e interesit të kredisë janë mesatarisht 1%. Ata qëndruan në nivelin zero për një kohë të gjatë në të kaluarën. Bankat qendrore lëshonin para dhe blenë pasuri financiare dhe, në përputhje me rrethanat, njerëzit e varfër mbetën të varfër dhe ata njerëz që kishin pasuri financiare, aksione ose pasuri të patundshme bënë një fitim të vazhdueshëm. Kjo është arsyeja pse çdo krizë i bën të varfrit edhe më të varfër dhe të pasurit edhe më të pasur. Këto procese rezultojnë në një shtresim shumë të fuqishëm të popullsisë. Sidoqoftë, mjerisht, ekonomia funksionon në këtë mënyrë dhe po i afrohemi një lloj qorrsokaku, siç deklarojnë shumë analistë financiarë. E gjithë kjo për të demonstruar se bankat qendrore nuk përballen shumë mirë me funksionin e tyre.

Kështu që njerëzit filluan të kërkojnë një mënyrë alternative për të ruajtur vlerën e parave. Nëse jo për të shumuar, të paktën për të mos humbur. Kjo është arsyeja pse shumë njerëz investojnë në ar, instrumente me të ardhura fikse, aksione, etj. Në të njëjtën kohë, ekonomia filloi të zhvillohej shpejt pasi u shfaq interneti, kështu që njerëzit kuptuan se nuk kanë nevojë të mbajnë para në formë fizike tani. Kështu, u shfaq koncepti i parave elektronike.






Ideja e krijimit të një monedhe digjitale, si Bitcoin, nuk është krejt e re. Megjithatë, ekziston një ndryshim midis Bitcoin dhe llojeve të tjerë të parave digjitale. Nëse përdorni sisteme të tilla të parave elektronike si PayPal, Western Union ose Skrill, financat tuaja ruhen në të njëjtat kompani. Në këtë rast, merremi me menaxhim të centralizuar të parave, d.m.th fati i parave tuaja varet nga vendimet e njerëzve të veçantë në këto kompani. Ju nuk keni mundësi të ndikoni në këto vendime.




Përparësitë e kriptomonedhës


Kriptomonedha është një gjë krejt e ndryshme. Kjo monedhë e decentralizuar karakterizohet nga pavarësia nga një fermë e vetme për përpunimin e transaksioneve. Është shumë e vështirë të gjurmosh transaksionet e kriptomonedhës dhe është e pamundur t’i anulosh ato. Duke përdorur këtë lloj monedhe, dy persona mund të kryejnë një transaksion blerje dhe shitje direkt në internet, pa u drejtuar në qendrën e transaksioneve financiare.

Por le të diskutojmë më në detaje përparësitë e kriptomonedhës mbi paratë e pashkëmbyeshme. Këto përparësi janë të dukshme!

• Standardet e emetimit dhe qarkullimit: kriptomonedha vendoset një herë, dhe është e paprekshme, ndërsa standardet për paratë e pashkëmbyeshme ndryshohen arbitrarisht nga bankat qendrore.

• Emetimi është zbatuar: kriptomonedha rrjedh nga rrjeti tek pjesëmarrësi ndërsa paratë e pashkëmbyeshme rrjedhin nga banka qendrore në banka, nga bankat te kompanitë dhe vetëm nga kompanitë te pjesëmarrësit.

• Fluksi i fondeve: i drejtpërdrejtë për kriptomonedhën; përmes bankave, sistemeve të pagesave dhe parave në dorë për paratë e pashkëmbyeshme.

• Numri i pjesëmarrësve: 5 milion për kriptomonedhën; 7 miliardë për paratë e pashkëmbyeshme.

• Shpejtësia e transaksionit: e lartë për kriptomonedhën; e ulët për paratë e pashkëmbyeshme.

• Anonimia: gjithmonë e mundshme për kriptomonedhën; ndonjëherë është e mundur kur përdorni para në dorë për paratë e pashkëmbyeshme.

• Inflacioni: i pamundur vetëm për kriptomonedhën; një realitet i vazhdueshëm për paratë e pashkëmbyeshme.

• Paqëndrueshmëria e përqindjes: patjetër e lartë për kriptomonedhën; e ulët për paratë e pashkëmbyeshme.




Shpikësi i Bitcoin dhe pse ai është Batmani i kohërave tona


Në mes të krizës financiare globale të vitit 2008, dikush me pseudonimin Satoshi Nakamoto projektoi Bitcoin dhe vuri në zbatim përmendjen e tij të parë. Ai hodhi në treg softuerin e parë Bitcoin që lëshoi rrjetin dhe njësitë e para të kriptomonedhës Bitcoin. Bitcoin u bë një lloj i ri i monedhës digjitale, e cila ishte shumë e ndryshme nga të gjitha të tjerat. Dallimi kryesor i saj qëndron në faktin se është e decentralizuar. Prandaj, secili pjesëmarrës nuk mund të ndikojë në fatin e saj.

Lind pyetja vijuese. Ka shumë njerëz në rrjet, ata nuk e njohin njëri-tjetrin dhe është logjike që ata të mos i besojnë njëri-tjetrit. Atëherë, si mund të jenë të sigurt që pagesat janë kryer dhe paratë e tyre nuk do të vidhen? Sidoqoftë, gjithçka u mendua paraprakisht nga Satoshi Nakamoto dhe u përshkrua me kujdes nga unë në librin Duke zotëruar Bitcoin për Fillestarë. Mjafton të them se vizioni i Nakamoto për një monedhë të decentralizuar doli i vërtetë, duke zgjidhur shumë probleme.

Me që ra fjala, identiteti i Satoshi Nakamoto është ende i mbuluar me mister. Janë bërë disa përpjekje për ta zbuluar sepse disa njerëz besojnë se ka gjasa që Satoshi Nakamoto të jetë një grup njerëzish dhe jo një person i vetëm. Sidoqoftë, asnjë nga këto përpjekje nuk ka rezultuar e suksesshme.





Kapitulli 3. Bitcoin dhe verifikimi


Për të zbuluar thelbin e Bitcoin, duhet të zhytemi pak në temën e verifikimit. Do t’ju tregoj më vonë për verifikimin si një strategji investimi, por tani le të shqyrtojmë verifikimin vetëm në lidhje me shfaqjen e Bitcoin.

Disa vjet më parë, shumë njerëz e konsideronin verifikimin, prodhimin e kriptomonedhës ose Bitcoins, si një lloj hobi. Shumë e luajtën atë lojë derisa ndodhi situata e famshme me pica. Ajo ditë njihet si Dita e Picave në komunitetin e kriptomonedhës. Më 22 maj 2010, një zhvillues i pagoi një përdoruesi tjetër të forumit Bitcoin 10,000 BTC për dy pica. Në atë kohë, Bitcoin ishte pothuajse e pavlefshme. Këto dy pica i kushtuan përdoruesit afërsisht 25 dollarë. Aktualisht (tetor 2017), një Bitcoin kushton më shumë se 5,000 dollarë. Mund ta llogaritni lehtë se ato dy pica i kushtojnë tani atij njeriu miliona dollarë.






Kjo ishte hera e parë që Bitcoin depërtonte në botën reale.






Kjo tabelë tregon se Bitcoin ka pasur uljet dhe ngritjet e veta. Sidoqoftë, ajo është rritur disa herë që nga viti 2016.

Bitcoin u konfirmua për herë të parë në një shkallë industriale kur vlera e saj filloi të rritej. Së pari, fuqia informatike u përdor për të konfirmuar Bitcoin. Më vonë, agjentët verifikues filluan të përdorin karta grafike për të formuar blloqet. Tani, ata përdorin pajisje të specializuara të quajtura ASIC. Fermat më të mëdha të tilla tani ndodhen në Kinë.




Si funksionon procesi verifikues


Verifikimi është procesi i prodhimit të kriptomonedhës së re ose bitcoin. Le të shqyrtojmë mënyrën se si funksionon verifikimi. Për shembull, kur dërgoni para nga portofoli juaj në portofolin e një personi tjetër, transaksionet tuaja bien në të ashtuquajturën “grup kujtese”. Grupi kujtesë i Bitcoin është një koleksion i të gjitha transaksioneve që presin të marrin një verifikim të rrjetit. Agjentët verifikues, të udhëhequr nga parimet e tyre, mbledhin transaksione në blloqe specifike dhe më pas përpiqen t'i ndërfusin ato në Bllokzinxhir. Çdo bllok në Bllokzinxhir krijohet çdo dhjetë minuta.






Kjo është mënyra se si e shohim ne transaksionin me Bitcoin.






Kjo është mënyra se si e sheh një kompjuter.






Një agjent verifikues merr një shpërblim për nxjerrjen e një blloku. Aktualisht, shpërblimi është 12 bitcoin. Domethënë, nëse futni një bllok të formuar mirë në sistem, do të merrni një shpërblim të tillë. Meqë ra fjala, blloku i parë (Zanafilla) u krijua nga Satoshi Nakamoto. Çdo person mund ta gjente atë dhe të merrte 50 bitcoin për të. Sot, shpërblimi për një bllok të formuar siç duhet fillon të bjerë. Thuhet se do të bjerë në një vlerë pambarimisht të vogël deri në vitin 2140.

Një ditë, agjent verifikues e kuptuan se nuk ishte fitimprurëse të konfirmoje në mënyrë të pavarur. Gjasat që do të gjeni një bllok të tillë varen nga “vlera e kompilimit” ose sa e fuqishme është makina juaj e verifikimit të Bitcoin. Le të themi, nën vlera të caktuara të pranueshme, nëse vlera juaj e kompilimit përbën 10% të vlerës totale të kompilimit, do të jeni në gjendje të gjeni blloqe të tilla me një probabilitet prej 10% dhe të merrni shpërblimin tuaj. Pra, nëse konfirmoni duke përdorur vetëm laptopin tuaj në shtëpi, nuk do të gjeni kurrë një bllok të ri. Prandaj, me qëllim që të marrin një shpërblim më të qëndrueshëm, agjentët verifikues bashkohen në të ashtuquajturat grupe verifikuese. Ata përdorin vlerën e tyre të bashkuar të kompilimit për të korrur fitime më të rregullta.

Tani shumë agjentë verifikues filluan të mendojnë: Pse duhet të konfirmoj kur mund të blej Bitcoin? Kjo është një ide e mirë pasi edhe vlera e Bitcoin përcaktohet vetëm nga besimi i atyre njerëzve që e përdorin atë, ndërsa kostoja e saj përcaktohet nga kërkesa. Nëse askush nuk blen Bitcoin nga ju, nuk do të kushtojë asgjë. Prandaj, për sa kohë që njerëzit e shohin këtë teknologji si një mundësi për ta përdorur atë në mënyrë anonime, për të bërë pagesa të mëdha, e kështu me radhë, vlera e Bitcoin do të marrë vrull.

Nuk do të përqendrohem tek vetë Bitcoin në më shumë detaje, sepse librin tim të mëparshëm, Duke zotëruar Bitcoin për Fillestarë, ia kushtova kësaj teme. Tani për tani, do të shqyrtoj përparësitë e Bitcoin, të cilat ende ngrenë disa pyetje.

Përparësia e parë është kostoja e ulët e transaksionit. Sidoqoftë, duhet të kemi parasysh se Bitcoin nuk është mjaft e mirë për mikropagesat. Nëse i transferoni dikujt 1 milion dollarë, do t’ju kushtojë një qindarkë. Sidoqoftë, nëse vendosni të paguani për një filxhan kafe, tarifat do të jenë të mëdha në krahasim me koston e kafesë tuaj.

Përparësia e dytë është përpunimi i transaksioneve me shpejtësi të lartë. Këtu kemi edhe disa pengesa. Në fakt, çdo bllok në Bllokzinxhir krijohet çdo dhjetë minuta, d.m.th. transaksioni më i shpejtë i mundshëm zgjat dhjetë minuta. Duket se kjo është mjaft e shpejtë nëse krahasohet me transferimin SWIFT në një bankë, i cili mund të zgjasë 2-4 ditë. Sidoqoftë, Visa dhe MasterCard janë shumë më të shpejtë. Ato mund të përpunojnë dhjetëra mijëra herë më shumë transaksione për njësi të kohës sesa Bitcoin. Vlen të përmendet se tani ekzistojnë disa lloje të tjera kriptomonedhash, të cilat u zhvilluan për të qenë më të shpejta se Bitcoin.

Përparësia e tretë është pseudo-anonimia e pjesëmarrësve. Kemi studiuar tashmë që çdokush mund të gjurmojë të gjitha transaksionet në rrjet. Nëse e njihni pronarin e saktë të një portofoli, mund të gjurmoni absolutisht të gjitha transaksionet e kryera prej tij. Kështu që nuk mund të thuhet se Bitcoin është absolutisht anonim. Sapo dikush arrin të përputhë adresën tuaj me personalitetin tuaj, anonimia zhduket. Por nëse vëzhgoni të ashtuquajturën “higjienë në internet”, që do të thotë se nuk ia tregoni portofolin askujt, atëherë në thelb transaksionet tuaja nuk mund të gjurmohen. Megjithatë, duhet të përmend faktin se ka kriptomonedha të tjera, të cilat janë më anonime se Bitcoin.

Meqë ra fjala, nëse doni të qëndroni anonim kur bëni transaksione në rrjetin Bitcoin, kjo është tashmë e mundur. Ka shumë bursa që pastrojnë bitcoins tuaj. Ato quhen “shërbime të përzierjes” dhe përdoren për të përzier fondet e dikujt me bitcoins të njerëzve të tjerë, duke synuar të ngatërrojnë shtegun drejt burimit origjinal të fondeve. Siç e shihni, teknologjitë e reja janë shfaqur për të rritur anoniminë e kriptomonedhave.

Dhe, së fundmi, më shumë se 16 milion bitcoins qarkullojnë tani në botë, ndërsa gjithsej 21 milion do të konfirmohen. Shifra të tilla janë programuar nga algoritmi i vetë rrjetit. Sasia e kufizuar e Bitcoin e bën të pamundur inflacionin e kësaj monedhe. Kjo monedhë nuk zhvlerësohet me kalimin e kohës sepse do të lëshohet vetëm një shumë e caktuar. Bitcoin madje ka një model deflacioni: shumë njerëz humbin monedhat e tyre duke harruar fjalëkalimin për portofolin ose duke dërguar para në adresën e gabuar. Prandaj, numri i bitcoins gradualisht do të ulet.









Prova e Punës dhe pse është e rëndësishme


Problemet më të mëdha të rrjetit Bitcoin paraqiten si më poshtë: si të siguroheni që transaksionet janë vërtet reale; si të siguroheni që një agjent verifikues nuk mashtron askënd; çfarë duhet bërë për të zgjedhur bllokun e duhur dhe për të ndërtuar me të vërtetë Bllokzinxhir. Të gjitha këto çështje zgjidhen përmes algoritmit të konsensusit.






Protokolli i Provës së Punës konfirmon që një agjent verifikues bën një punë të madhe për të gjetur një rast të vetëm të saktë dhe për të marrë një kompilim të suksesshëm. Duhet të kaloni shumë kohë për të gjetur atë rast të nevojshëm. Do ta shpjegoj më në detaje.

Vështirësia e bllokut rregullohet në çdo 2016 blloqe dhe varet nga sa zero janë në fillim të një kompilimi të veçantë. Nuk është e vështirë të gjesh vetë kompilimin, por duhet mundim për të gjetur një kompilim të suksesshëm me një numër të caktuar zerosh. Nëse keni një kompilim të një blloku të mëparshëm, si dhe vulën kohore dhe të dhënat e transaksionit, duket se është shumë e lehtë të bësh një kompilim të ri nga kjo dhe të përpunosh këtë bllok. Sidoqoftë, duhet të gjesh një rast të vetëm, vlera e të cilit është vendosur në mënyrë që kompilimi i bllokut të përmbajë një ekzekutim të zerove paraprirëse. Duhet shumë kohë për këtë. Sapo agjentët verifikues të gjejnë këtë kompilim të suksesshëm, ata dërgojnë një bllok në Bllokzinxhir. Domethënë, ata tashmë kanë konfirmuar të gjitha transaksionet, pasi kanë bërë disa punë. Pra, nuk ka kuptim të mashtrosh dikë pasi një punë e tillë është shumë e vështirë për t’u bërë.

Pas kësaj, i gjithë informacioni shpërndahet në nyjet. Së pari, një agjent verifikues dërgon një nyje. Për shembull, mund të kryejë një kontroll nëse ata njerëz, që dërguan para nga pika A në pikën B i kishin vërtet ato para, d.m.th. nëse të gjitha transaksionet janë të vlefshme. Pastaj nyjet fillojnë të shkëmbejnë këtë informacion me njëra-tjetrën dhe kështu formohet blloku.

Në teori, mund të ndodhë që dy agjentë verifikues të krijojnë një bllok të njëjtë. Si do të zgjedhë Bllokzinxhir cili bllok është më i mirë? Parimi i parë është shpejtësia. Parimi i dytë është “suksesi” i një kompilimi. Prandaj, “suksesi” i një kompilimi është pikërisht përpjekja që agjentët verifikues duhet të bëjnë brenda protokollit Prova e Punës.

Një arsye tjetër pse duhet të zgjidhni një kompilim “të suksesshëm” është një rregullim i vështirësisë së rrjetit. Sa më shumë agjentë verifikues të shfaqen, aq më shumë rritet vështirësia në rrjet, që do të thotë se transaksionet mund të përpunohen më shpejt. Nëse agjentët verifikues ngadalësohen në gjetjen e blloqeve, vështirësia bie.

Më lejoni të shtoj edhe disa fjalë për mënyrën e rregullimit të situatës kur disa agjentë verifikues krijojnë blloqe të njëjtë në rrjet. Thelbi i konsensusit të Bllokzinxhir është se zinxhiri më i gjatë i blloqeve konsiderohet të jetë i drejtë. Nëse blloqet fillojnë të ndërtohen në një drejtim tjetër nga i juaji, atëherë blloku juaj i parë përsëri do të bjerë në grupin e transaksioneve të pakonfirmuara. Kjo shpesh ndodh kur rrjeti është i mbingarkuar. Kështu që, për t’u siguruar që blloqet e ardhshëm janë ndërtuar pikërisht nën bllokun tuaj dhe ju do të merrni shpërblimin, prisni derisa të formohen disa blloqe të tjera pas tuajave. Nëse formohen më shumë se pesë blloqe, paratë janë padyshim tuajat.






Në fund të nënseksionit të mëparshëm kemi diskutuar të mirat e Bitcoin, kështu që tani është koha të flasim për të këqijat e Bllokzinxhir, domethënë sulmin 51% ose shpenzimet e dyfishta. Do ta shpjegoj.

Çdo grup verifikues mund të bashkojë përpjekjet e tij në një masë të tillë që probabiliteti i krijimit të bllokut tjetër në këtë grup mund të jetë 51%. Komuniteti i kriptomonedhave dikur ishte dëshmitar i situatës kur anëtarët e grupit verifikues kinez nuk lejuan artificialisht anëtarë të rinj në sistemin e tyre dhe arritën të krijonin rreth gjashtë blloqe radhazi. Vetëm pas këtij incidenti u bë e qartë se duhet të prisje një orë për verifikimin e transaksionit, jo dhjetë minuta. Kjo ndodh nëse krijohen pesë blloqe dhe secili prej tyre formohet për dhjetë minuta, i shumëzojmë me pesë dhe na merr 50 minuta.





Конец ознакомительного фрагмента. Получить полную версию книги.


Текст предоставлен ООО «ЛитРес».

Прочитайте эту книгу целиком, купив полную легальную версию (https://www.litres.ru/pages/biblio_book/?art=65745845) на ЛитРес.

Безопасно оплатить книгу можно банковской картой Visa, MasterCard, Maestro, со счета мобильного телефона, с платежного терминала, в салоне МТС или Связной, через PayPal, WebMoney, Яндекс.Деньги, QIWI Кошелек, бонусными картами или другим удобным Вам способом.



Если текст книги отсутствует, перейдите по ссылке

Возможные причины отсутствия книги:
1. Книга снята с продаж по просьбе правообладателя
2. Книга ещё не поступила в продажу и пока недоступна для чтения